BETI REHMAT HY YA ZEHMAT ?

"BETI REHMAT YA ZEHMAT "

MAT MARO MUJHE MAIN KHUDA KI TARF SE AIK ANMOL TOHFA BAN KR AI HU NAFRAT NA KARO MUJH SE ,MAIN PYAR BAN KAR AI HUN ,PYAR LE KAR AI HUN ..MAT MARO MUJHE.....

Beti kya hai ..? khuda ka aik anmol tohfa ,khuda ki rehmat hai. Baheysiyat musalman hum ko is baat pe yaqeen hona chahiye ke Allah jis ko chahey betay se nawaze or jissey chahe betti se .. jissey chahe dono de or jissey chahe is naemat sy mehroom kar de. Hamary pyary Nabi "Hazrat Muhammad" (P.B.U.H) apni beti "Hazrat B.B FATIMA(R.A)" sy buhat muhabbat karte the, Magar afsoos yeah sab baatain janney k bawajood beti ko rehmant nai balke boujh he tasauwoor kiya jata hai. Beti pe jitna zulum Bar-e-Sagheer main hota hai duniya bhar main is ki missal nai milti. Khas tor py "Bharat" main to beti k paida hone par Maa gham se nidhal hone lagti hai aur us ko duniya main aane se phele he mar diya gata hai, Baap sar pakar ke baith jata hai ,rishtydar btyh sunanay lagty hy......jyssy beti nai koi gunnah sarzad ho gaya ho. Aksar dehatoon main to paida shuda beti hone k jurm main gaala ghout kar bhi mar diya jaata hai, Issi liye Bharat main ab Ultra-sound ke zariye bache ki sex maloom karne pe pabandi kar di gai hai kyun ke aksar waldain ko jab yeah maloom chalta hai ke beta nai betti hai to woh is se chutkarye ki koshish karte hain jo baaz waqt yeah amal maa ki jan ke liye bhiu intihai khatarnak ho jata hai .

Purany zammanye (zamana-e-jahaliyat) main jab kisi ghar main beti paida hoti, to woh sharam se mou chupata phirti or baap apny hathoo se  us ko zindah dafan kar daita tha. TULO-E-ISLAM k baad is jahaliyat ka khatma ho gaya, Islam ney aurat ko na sirf izzat bakhshi balky isse tammam bunyadi haq-o-haqaia bhi diye. MAA, BEHAN, BIWI, BETI har rishty ko taqddus or ehtaram se nawaza. Virasat masin bhi aurat ka hissa muqarrar kiya gaya, is sammaj main sar utha kar ba-waqar andaz se jenay ka haq diya.

QURAN-E-KAREEM main SURAHE-NISSA main aurot k haqouq-o-faraiz ke bare main tafseel se zikar milta hai, lekin is ke bawajood hamari society main auratoon ko un ka muqam hasil nahin. Bharat main hindu dharam ke mutabiq shouhar ke marne ke baad us ki biwi ko zindagi ki har khushi se mehrooum kar diya jata hai. Magr afsoos is  baat ka hai ke PAKISTAN jaise islami mulk main bhi aurot se isi tarha ka sulook kiya jata hai. Hamary mulk ki aik buhat bari abadi dehat main rehti hai jahan ke Choudhry Sahab, Wadderey or Jageerdar bare shehroon main to sharafat ka naqab lagye ghoomte hai magar haqqiqat main eik darindey hain, jiss larki pe unki nazar parh jaye woh un ke baap ki jageer ban jati hai .. unki nazar main larki ki koi izzat nahin kyun ??????? unki izzat unki shaan hai magar larkiyoon ki kyun naihinnnnnn ? Yeahi loog WANI,WATTA SATTA,KARO KARI or QURAN se shadi jaise bhiyanak rasmoon ko faroog de rahe hain. Yeah hamari society ka woh bhiyanak rukh hai jo aisi dastanoon se bhara para hai. Gyrat k naam pe qatal karna, aurat or betti ki izaatoon ke sath khailna in ke liye aam baat hai.

Agar daikha jaye to Mazhab main larki ki raza mandi nikkah ke liye zaroori hoti hai magar saamaji tor pe larki ki raye koi ehmiyaat nahin rakhti, aise main koi apne ghar walo ki marzi ke khilaf ya ghar se bhag kar shadi kar le to khandan wale unki jan ke dushman ho jate hain. Yahan tak ke shadi wale din un ke khane main zehar de kar mar diya jata hai, ya baad-duain jo un ka picha nahin chorti, buhat saal guzarne ke bawajood bhi inhain maaf nahin kiya jata or bil-akhir unko maar kar hi dam liya jata hai.

Aise  main, main (I) media ko appreciate karon gi ke kam-az-kam logon ko in khouf-naq haqaiq se agah tou kar diya jata hai, jin par barsoo se parda dala jarah tha.

21st century main jab ke log kahan se kahan pounch gaye hain, aaj bhi buhat se gharoon main sirf larkoon ko behtar se behtar taleem daine ke liye Maa Baap bettay ko bahar  achi se achi taleem hasil karnye ke liye bhaij daite hain, har asaish ,har achi khoorak bettay ko hi di jati hai jab ke larkiyon par is hawalye se koi khas tawajah nahin di jati .....

"HAMESHA SUKHI RAHO ,ALLAHA CHAND SA BETA ATA KARYH " jaisse dua to aam hai lekin aaj tak kissi ne apni beti ko yeah dua nahin di ke: "ALLAHA CHAND SI BETI ATA KARAYE "........kyunnnnnnnnnnnnnnnnnn????

Kyun ke hamarye is society main beta faqhar-o-gourour ki alamat jab ke beti "BAISSYE ZEHMAT" samjhi jati hai .Naai bahoo k aate hi saas ko pootye khilany ki fikar parh jati hai, or agar ghalti se pouti paida hoojaye to dadi ko shadeed mayoosi taari ho jati hai. Beti ke baad agar beta paida hojaye to chalo "jurm" ki talafi hojayi ...magr kahi beti pe beti paida ho jaye to phir us larki ke susral main khair nahin, samjho uski shaamat aai....saas tanay de de kar uska jeena mouhaal kar deti hai, khandan ki sab se buri bahou ka usko title bhi diya jata aur toh aur shohar bhi us se tang aane lag jata hai ,or zaida ghussa aye to sasu-maa potey ki khawish main apne bettay ki doosri shadi karanay se bhi guraiz nahin karti.

Akhir kyun.. larki hona Maa Baap ke liye dard-e-sar hai? kiya iski wajah hamare samajhi rasmain hain jo larki ke paida hote he Maa us ka jahaiz joorna shuru kar deti hai or jab rukhsat hoti hai to sar se jaise bhooj utar gaya ho. Kuch saalo phele gurbat k bais jahaiz ne daine pe shadi na hone par 5 behano ne apni jaan daine k liye eik saath nahar main kood gain, un 5 main se eik ko bacha liya gaya tha magar un 4 ki lashain buhat din baad milli .." Is incident ne buhat se sawal mere dil main paida kar diye the..jo main aap sab se puchna chahoon gi ............KYA GAREEB KE GHAR MAIN BETI PAIDA NAHIN HONI CHAHIYEH ? KYA BETI PAIDA KARNA AURAT KE IKHTIYAR MAIN HAI ALLAH KE NAHIN ?KYA BETI KI SHAADI KARNA SUB SE BARA MASLAH HAI ?KYA ISSI WAJA SE BETI REHMAT NAHIN ZEHMAT SAMJHI JATI HAI ?  apne zameer ke mutabiq jaise marzi aap sab jawab dain................!